Денесінің 75 пайызын күйік шалған екі бала Қызылордадан Алматыға жеткізілді

Қалаға санавиация бортымен денесінің 75%-ы күйіп қалған балалар әкелінді, деп хабарлайды Алматыдағы BAQ.KZ тілшісі.

Алматы қаласының Балалар және шұғыл медициналық көмек орталығына Қызылорда облысында қатты күйіктен зардап шеккен, аса ауыр жағдайдағы екі бала шұғыл түрде жеткізілді.

Пациенттердің жағдайы ауыр, барлық қажетті емдеу шаралары жүргізілуде.

Қызылорда облысында 75%-ға жуық күйік жарақатымен аса ауыр жағдайдағы екі бала шұғыл түрде Алматы қаласының Балалар және шұғыл медициналық көмек орталығына жеткізілді. Пациенттердің жағдайы ауыр, барлық қажетті емдеу шаралары жүргізіліп жатыр,- деді Денсаулық сақтау министрлігінің баспасөз қызметі.