Даулы мәлімдеме жасаған Мухоряповтың ісі тоқтатылды

Полиция  тергеу нәтижелері бойынша қылмыстық құқықбұзушылық құрамы болмауына байланысты Choco холдингінің негізін салушы және директоры Рамиль Мухоряповқа қатысты істі тоқтатты. Бұл туралы Алматы қаласының прокуратурасы мәлімдеді, деп жазады BAQ.KZ.

Тергеу нәтижелері бойынша қылмыстық қудалау органы қылмыстық құқықбұзушылық құрамы болмауына байланысты қылмыстық істі тоқтату туралы шешім шығарды. Бұл шешім ҚР Қылмыстық іс жүргізу кодексінің 2-тармағы 35-бабы 1-бөлігі бойынша қабылданды. Алматы прокуратурасы қабылданған іс жүргізу шешімімен келісті, - деді Алматы прокурорының орынбасары Нұрлан Ауғанбаев.