Дәрігер тұмаудан толық емделмеудің қаупін айтты

Нұр-Сұлтан, BAQ.KZ. Дәрігер-терапевт, гематолог Диана Ким емделмеген тұмаудың салдары туралы ескертті. Оның айтуынша, тұмау асқынса COVID-19-дан да қауіпті болуы мүмкін, деп хабарлайды Sputnik.

Диана Кимнің айтуынша, тұмауды емдеуге өте мұқият қарау керек.

Тұмау жұқпалы ауыр вирустық ауруға жатады және оның салдары мен асқынулары бар. Бұл эндокардит, миокардит және миокардит түріндегі жүректің зақымдануына әкелуі мүмкін. Тұмаудан дұрыс емделмесе бүйрек те зақымдануы мүмкін, сондықтан аурудан кейін әрқашан зәрдің жалпы анализін тапсыру керек. Өйткені науқас бүйрегі зақымданса да  аурудың ешқандай белгісін сезінбеуі мүмкін, – дейді дәрігер.

Сондай-ақ, маманның айтуынша, тұмау тромбоцитопения немесе буындардың зақымдануы секілді аутоиммунды ауруды тудыруы мүмкін.

Тұмау алуан түрлі болуы мүмкін. Тағы бір сирек кездесетін асқыну – поствирустық энцефалит (мидың қабынуы), – деді Ким.

Маман асқынулар әдетте тұмаудан кейін бір ай ішінде пайда болатынын түсіндірді. Көбінесе олар белсенді өмірге мерзімінен бұрын оралудан, яғни аурудан әлсіреген иммундық жүйе әлі күшеймеген уақытта туындайды.

Емделмеген тұмау кезінде инфекцияның жеңіл қалдық көріністері байқалып, адам жұмысқа шыққанда, асқыну ықтималдығы толық жазылып, кейін жұмысқа шыққан адамға қарағанда жоғары болады, – деді дәрігер.

Ол тұмаудың тыныш ағымымен ауру демалысына кететін уақыт орта есеппен он күннен екі аптаға дейін болатынын түсіндірді. Әрбір жағдайда нақты уақытты дәрігер жеке анықтайды.