Coursera рейтингінде қазақстан 31 орынды иеленді

Coursera онлайн білім беру алаңы Global Skills Report 2023 жаңа есебін жариялады, деп хабарлайды BAQ.KZ.

Баяндамада орналастырылған курстарға сұраныс және оларды тыңдаушылардың сәтті өтуі зерттелген.

Қазақстан жалпы әлемдік есепте 31-орынға иеленді. Баяндамада Қазақстанда білім алушылар технологиялық дағдылар бойынша жетістікке жетіп жатқаны, Technology көрсеткіші 96% құрайтыны атап өтілген.

Рейтинг құраушылар келесі білім санаттарын қарастырады:
Business – менеджмент, коммуникация, қаржы және бухгалтерлік есеп сияқты бизнесті басқаруға қатысты дағдылар;
Technology – ІТ-жүйелер мен бағдарламалық жасақтаманы құру, қолдау және масштабтау үшін қажетті дағдылар;
Data Science – шешімдер қабылдау үшін немесе әзірленіп жатқан өнімдер мен қызметтерде компаниялар жасаған білімді жинау және пайдалану дағдылары.

2023 жылы зерттеу базасын әлемнің 100 елінен 124 млн студент құрады.

Бұл рейтингтегі позицияны арттыруға ҚР Ғылым және жоғары білім министрлігінің еліміздің 25 жоғары оқу орнының білім беру бағдарламаларында 600-ден астам курстарды енгізу арқылы цифрлық экономика үшін 20 000 студент пен оқытушыны даярлау жөніндегі бастамасы ықпал етуде.