Чилиде өртке байланысты коменданттық сағат енгізілді

Чилидің орталық және оңтүстік бөлігінде ормандағы өртке байланысты коменданттық сағат енгізілді, деп хабарлайды BAQ.KZ.

24.kz-тің мәліметі бойынша қазір 15-ке жуық от ошағы тіркелген.

Температура бағаны 40 градустан асады. Тілсіз жауға қарсы тікұшақтар да тартылған. Өрттің себебі әзірге белгісіз. Полицияның алдын ала мәліметі бойынша, біреулер отты қасақана қоюы мүмкін. Тергеу жүріп жатыр. Осындай күдікпен жыл басынан бері Араукания ауданында 60 адам қамауға алынды.