Челябіде апаттың салдарынан 140 үй жылусыз қалды

Астана, baq.kz. Челябіде жылу жолындағы апаттың салдарынан 140 астам көппәтерлі тұрғын үй, 16 балабақша мен мектеп жылусыз, ыстық сусыз қалып отыр. Бұл туралы қала әкімшілігінің баспасөз қызметі мәлімдеді.

9 қаңтар күні Челябідегі ауа температурасы -19 градусты көрсетіп тұр. Жел – секундына 1-2 метр.

«Бүгін 9 қаңтарда, сағат 10.00 (жергілікті уақыт – ред.) жылу жолындағы үлкен апатты жою үшін Металлургиялық ауданының солтүстік аумағында ыстық су мен жылу өшіріледі. 149 көппәтерлі тұрғын үй, 195 жеке сектор үйі, 16 бала-бақша, 16 білім беру мекемесі мен 36 әкімшілік ғимарат жылусыз қалды», - делінген хабарламада.