БЖЗҚ цифрлық форматтағы жаңа қызмет түрін енгізді

"БЖЗҚ" АҚ әрбір салымшы мен алушының жинақтау тарихындағы негізгі оқиғалар туралы ақпарат беретін Push-хабарламалардың жаңа цифрлық қызметін іске қосты, деп хабарлайды BAQ.KZ.

Қазіргі уақытта бұрын іске асырылған зейнетақы жарнасының түскендігі туралы хабарламаларды жіберумен қатар мынадай маңызды оқиғалар бойынша хабарламалар жолдана бастады:

- жинақтаушы зейнетақы жүйесіне қосылуы, яғни жеке зейнетақы шотының ашылғандығы;

- 18 жасқа толуы;

- зейнет жасына толуы, сәйкесінше, міндетті зейнетақы жарналары есебінен зейнетақы төлемдерін алу құқығының туындауы;

- ерікті зейнетақы жарналары есебінен зейнетақы төлемін алу құқығының туындауы;

- міндетті кәсіптік зейнетақы жарналары есебінен зейнетақы төлемін алу құқығының туындауы;

- зейнетақы жинақтарының жеке жоспарын іске асыру мониторингі;

- туған күнмен құттықтау.

Ұсынылған сервистерді БЖЗҚ мамандары салымшылардың қалауы мен ең көп сұранысқа ие зейнетақы қызметтерін зерделеу негізінде әзірледі.