"Бұйратау" паркіндегі өртті 80-ге жуық қызметкер сөндіріп жатыр

ҚР Экология және табиғи ресурстар министрлігі орман шаруашылығы және жануарлар дүниесі комитеті баспасөз қызметі "Бұйратау" ұлттық паркіндегі өртке қатысты соңғы мәліметті таратты, деп хабарлайды BAQ.KZ.

Құрғақ шөпті өсімдіктердің өртенуі 2 тамыз күні сағат 15:20-да анықталды. Аталған өрт найзағай разряды салдарынан ерекше қорғалатын табиғи аумаққа өтті. Қазіргі таңда өрттің ауданы 800 га құрайды, оның ішінде орманмен көмкерілген алаң – 1 га. Оны сөндіруге 76 адам, сондай-ақ 19 бірлік техника жұмылдырылды. Өртті ауыздықтауғы биік құрғақ шөптер, қатты жел мен түтін қиындатты, - делінген хабарламада.

Естеріңізге сала кетейік, өрт 2 тамыз күні сағат 19-да оқшауланған болатын. Толық жою жұмыстары жалғасуда.