«Бұрқасын-2023». Елордалық полицейлер - жүлдегер

Астана қаласының әкімдігінің қолдауымен және қалалық спорт басқармасының ұйымдастыруымен елордада жыл сайынғы қысқы "Бұрқасын 2023" өтті, деп хабарлайды BAQ.KZ. 

Астана қаласы ПД баспасөз қызметінің мәлімдеуінше,  23 мәрте өткізіліп отырған қысқы спорт фестиваліне 1800 қатысушы тіркелген, олардың ішінде Астана қаласы Полиция департаментінің қызметкерлері де бар.

Фестиваль барысында қатысушылар 10 спорт түрі бойынша сынға түсті. Олар шаңғы жарысы, гір көтеру, армрестлинг, белбеу күресі, арқан тарту, пималы хоккей, қар ату, автоспорт, мотоспорт және қысқы футбол.

Фестиваль қорытындысы бойынша Астана қаласы ПД-нің қызметкерлері белбеу күресі, арқан тартыс, гір көтеру, қысқы футболдан – І орынды қанжығаласа, қол күрестен ІІ орын және пима хоккейден ІІІ орынға ие болды.