Бүгін Жер бетінде күшті магниттік дауыл болады

Ғарыштық зерттеу институты Күн астрономиясы зертханасының ғалымдары 24 шілдеде геодауыл болатыны туралы ақпаратты растады, деп хабарлайды BAQ.KZ.

Белгілі болғандай, магниттік дауыл таңғы 6-да басталып, тал түске дейін жалғасады.

Сондай-ақ ғалымдар магниттік дауылдың деңгейі G1-G2 (ең жоғары — G5) деңгейінде орын алады деп жорамалдап отыр.

Ғалымдардың айтуынша, шілденің қалған күндері тамыз айына дейін магнитосфера қалыпты жағдайда болады.