Бүгін - Ұлттық домбыра күні

Елімізде жыл сайын шілде айының алғашқы жексенбісінде Ұлттық домбыра күні атап өтіледі, деп хабарлайды BAQ.KZ.

2018 жылдан бері шілденің алғашқы жексенбісі қазақтың төл аспабының күні ретіне аталып келеді.

2018 жылдың 13 маусымында қоғамды ұлттық мәдениет пен бірегейлікті сақтау мен қайта жаңғырту идеясының төңірегінде одан әрі топтастыру мақсатында шілденің бірінші жексенбісін Ұлттық домбыра күні ретінде белгілеу туралы Жарлық жарық көрді.