Бүгін таңертең екі қонақүй өртке оранды

12 маусым таңертең Семей және Алматы қалаларында қонақүй өртенді, деп хабарлайды BAQ.KZ.

Төтенше жағдайлар министрлігінің мәліметіне сүйенсек, Семей қаласында өрт сөндірушілер қонақүйдің үшінші қабатындағы өртті жойған. 5 шаршы метр аумақта 3-қабаттағы бөлмеде өрт құтқарушылардың үйлесімді іс-қимылдарының арқасында өрт шақыру түскен сәттен бастап 22 минут ішінде жойылды.

Зардап шеккендер жоқ, себебі анықталуда.

Ал таңғы сағат 06:30 шамасында Алатау ауданында өрт сөндірушілер қонақ үйлердің біріндегі өртті сөндірді.

Оқиға толығырақ нақтылануда, - деп атап өтті ведомстводан.

Шақырылған сәттен бастап 45 минут ішінде өрт оқшауланды.

Зардап шеккендер жоқ.