Бүгін АҚШ-та президент сайлауы өтеді

Бүгін АҚШ-та 47-президентті таңдау үшін сайлау өтеді, деп хабарлайды BAQ.KZ.

Штаттарға байланысты сайлау учаскелері әртүрлі уақытта ашылады: ең алғаш Вермонт пен Нью-Йорк штаттарында, кейін Шығыс жағалаудағы учаскелерде дауыс беру басталады. Негізгі бәсеке, әдетте, шешуші рөл атқаратын жеті штатта болады.

47-президент лауазымына екі үміткер таласуда: демократиялық партия өкілі Камала Харрис және республикалық партия өкілі Дональд Трамп. Жеңіске жеткен үміткер алдағы төрт жылға ел басқарады. Биыл 168 миллионнан астам тіркелген сайлаушының 78 миллионынан астамы алдын ала дауыс беріп үлгерді.