Қазақстандық боксшы қарсыласын 74 секундта нокаутқа түсірді

Нұр-Сұлтан, BAQ.KZ. 21 жастағы жеңіліп көрмеген қазақстандық Ғалым Шағатай (2-0) Мәскеуде өткен жекпе-жекте техникалық нокаутпен Дмитрий Рахмановты (0-1) жеңді. Бұл туралы Sport.kz сайты жазды. 

Судья жекпе-жекті 74 секундта тоқтатты. Бұл профессионалдық рингтегі Ғалымның үшінші жеңісі. Қазақстандық боксшы ақпан айында Ақтөбеде отандасы Бекзат Тампиевпен жұдырық түйістіріп жеңіске жеткен еді. Ал, маусым айында Мәскеуде Владислав Яковлевті жеңген.

Естеріңізге сала кетейік, Ғалым Шағатай Tukeshov Boxing промоутерлік компаниямен келісім шартқа отырған еді.