Жазасын өтеп жатқандар #МЕНҚАЗАҚПЫН челленджін қолдады

Нұр-Сұлтан, BAQ.KZ. Желтоқсан айының басында Павлодардағы орта мектеп оқушылары "Мен қазақпын" челленджінің бастамашысы болды. Олар  "Мен қазақпын" әнін шырқады. 

Өз кезегінде Батыс Қазақстан облысы бойынша қылмыстық-атқару жүйесі департаментіне қарасты қауіпсіздігі барынша жоғары мекемесінде жазасын өтеп жатқан азаматтар бұл бастаманы қолдап, өздерінің челленджін ұйымдастырды. 

Олар эстафетаны әрі қарай осы өңірде орналасқан орташа қауіпсіз колонияның сотталғандарына жолдады. Рухани-адамгершілік және патриоттық тәрбиеге баулу мақсатында бас бостандығынан айыру орындарында жазасын өтеп жатқан азаматтармен мұндай шаралар тұрақты негізде өткізіліп отырады, - делінген ақпаратта.