Биыл ауыл оқушылары ҰБТ-дан ең жоғары балл жинайды

Бұл туралы ҒЖБМ Жоғары және жоғары оқу орнынан кейінгі білім комитеті төрағасының орынбасары Гүлзат Көбенова ОКҚ-да өткен брифингте айтты, деп хабарлайды BAQ.KZ тілшісі.

Соңғы 3 жылдың ішінде алғаш рет 140 балл жинаған талапкер шықты. Бұл Алматы облысы, Талғар ауданы, Қарабұлақ ауылының №22 орта мектебінің түлегі Жаннұр Еңсебек, - деді комитеті өкілі брифингте.

Көбенованың сөзіне қарағанда, былтыр ең жоғары балл 137 болған, оны 5 адам жинаған еді.

Биыл 139 балды 2 түлек: Шығыс Қазақстан облысының түлегі Аяужан Мұратова мен Қызылорда облысының түлегі Нұрболат Жұбатқан жинады.

Атап өтсек, аталған үш талапкер ауыл мектептерінің түлегі. 716 оқуға түсуші 130 балдан жоғары нәтижеге қол жеткізді, - деп қоса кетті Гүлзат Көбенова.

Мәліметке сәйкес, соңғы рет ҰБТ нәтижесі бойынша 140 балды Павлодар облысының талапкері 2021 жылы жинаған, ал 2018 жылы Алматы қаласының талапкері жинаған.