Биыл 70-тен астам журналист өлтірілген

Бұл туралы БҰҰ Бас хатшысы Антонио Гуттериш айтты, деп хабарлайды BAQ.KZ  Report ақпараттық агенттігіне сілтеме жасап.

Биыл 70-тен астам журналист қоғамдағы маңызды рөлін атқарғаны үшін өлтірілді. Бұл қылмыстардың көпшілігі ашылмаған күйінде қалады, - делінген басылымда.

А. Гуттериш сонымен қатар қоғам журналистерге өзінің негізгі жұмысын орындауға мүмкіндік беруі керек екенін атап өтті.

2 қарашада журналистерге қарсы қылмыстары үшін жазасыздықты тоқтатудың халықаралық күні атап өтіледі.

Сонымен қатар 2018 жылы 113 журналист қайтыс болды. Тізімге қауіп төнген, қамауға алынған және шабуылға ұшыраған жаралылар кірген жоқ. 2019 жылы әртүрлі елдерден тағы 75 БАҚ қызметкері қайтыс болды.

Журналистер үшін ең қауіпті елдер Мексика, Ауғанстан және Пәкістан болды, онда сәйкесінше 13, 8 және 8 адам қайтыс болды. Сондай-ақ тізімге Ұлыбритания, Үндістан, Украина, Гаити және Бразилия кірді.