Бірқатар өңірде жолдар жабылды

Ауа райының бұзылуына байланысты екі өңірде жолдар жабылды, деп хабарлайды BAQ.KZ.

"ҚазАвтоЖол" компаниясы таратқан мәліметке сүйенсек, 4 өңірде көлік қозғалысына шектеу қойылды.

Жетісу облысында «Үшарал-Достық-ҚХР шекарасы» Көктұма ауылы - Достық станциясы арасында жол жабылды. Сондай-ақ ауа райының бұзылуына байланысты "Астана-Қарағанды-Алматы" автожолының 1505-1864 шақырым аралығындағы учаскесінде (Атамекен ауылынан Балқаш қаласына дейін) көліктердің барлық түрінің қозғалысына шектеу қойылады. "Қарағанды-Аягөз-Тарбағатай-Боғас" автожолының 383-704 шақырым аралығындағы учаскесінде (Қайнар ауылынан Аягөз қаласына дейін) көліктің барлық түрінің қозғалысына рұқсат жоқ, - делінген хабарламада.

Сонымен қоса 5 ақпанда сағат 22:30-да ШҚО-да ауа райының бұзылуына байланысты "Өскемен-Алтай-Үлкен Нарын-Катонқарағай-Рахман қайнары" автожолының 6-254 шақырымы аралығында (Ушановское ауылынан Үлкен Нарын ауылына дейін)жүк және қоғамдық көліктердің қозғалысына шектеу қойылғаны белгілі болды.

1403 байланыс орталығына хабарласып, тәулік бойы қосымша ақпарат алуға болады.