"Бір сұрақ бар": Путиннің баспасөз хатшысы Трамппен кездесу жайында

Ресей президентінің баспасөз хатшысы Дмитрий Песков Ресей мен АҚШ президенттері не туралы талқылайтынын айтты, деп хабарлайды BAQ.KZ тілшісі TACC агенттігіне сілтеме жасап.

Шынында да, Мәскеу мен Вашингтон арасында белгілі бір талқылаулар өтті. АҚШ президентінің арнайы өкілі Стивен Уиткофф Мәскеуге келді, Стамбұлда келіссөздер өтті, бұған дейін екі президенттің алғашқы телефон арқылы әңгімесі болған. Сондықтан, кейбір мәселелер бойынша өзара түсіністік бар. Бірақ сонымен бірге, екіжақты қарым-қатынастарды одан әрі қалыпқа келтіру және Украина мәселесін реттеу бойынша көптеген талқылауды қажет ететін сұрақтар да бар. Мұның барлығы екі президенттің әңгімесінде көтерілмек, – дейді Песков.