Бір қолы жоқ спортшы турнирде алғаш рет өнер көрсетіп, қарсыласын жеңді

Нұр-Сұлтан, BAQ.KZ. Сол қолының шынтағынан бастап ампутация жасалған америкалық спортшы Ник Ньюэлл АҚШ-та Bellator турнирінде алғаш рет өнер көрсетті, деп жазды Vesti.kz.

33 жастағы АҚШ өкілі өз отандасы Кори Браунингті жеңді. 

Жекпе-жек бірінші раундта аяқталды. Ньюэлл қарсыласына қылқындыру әдісін қолданған, Браунинг жеңілгенін мойындауына тура келді. Осы күнге дейін 18 жекпе-жекке қатысқан Ник Ньюэлл екі рет қана жеңілген. Файтер биыл шілдеде Bellator ұйымымен келісімшартқа отырды.