Бір ғана облыстың 176 ауылында таза су жоқ – Тоқаев

Бұл туралы Мемлекет басшысы Қарағанды облысы жұртшылығымен кездесуі кезінде айтты, деп хабарлайды BAQ.KZ.

Облыстағы 176 ауылда таза су жоқ. Биыл 37 елді мекенге таза су беріледі. Басқа ауылдарды көп созбай сумен қамту қажет. Соңғы жылдары Балқаш көлі күрт тартылып барады. Еліміздің орталығын сумен қамтамасыз ететін Сәтбаев каналының техникалық жағдайы мәз емес. Білікті мамандармен бірлесіп, осы екі мәселені мұқият зерттеуді тапсырамын, - деді ол.

Президент көлді сақтау және каналды қалпына келтіру үшін барлық шаралар қабылдануы керек екенін айтты. 

Қазір суды тазартып, тұшытатын заманауи технологиялар баршылық. Қандай шөлді жер болса да, халықты ауызсумен қамтамасыз етуге болады. Әкімдік ірі бизнес өкілдерімен бірге бұл жұмысты мықтап қолға алуы керек, - деді Қасым-Жомарт Тоқаев.