Назарбаев ашық жүргенде "неге оқшауланбайды" деп ойлайтынмын – Бибігүл Төлегенова

Нұр-Сұлтан, BAQ.KZ. Қазақстанның экс-президенті, Елбасы Нұрсұлтан Назарбаев коронавирус індетін жұқтырды деген хабар тарағаннан бері деніне саулық тілеп, ізгі тілектерін жолдап жатқандар көп.

Солардың арасында әншілер де бар. Қазақстанның халық әртісі Бибігүл Төлегеновадан бастап, бүгінгі жас эстрада әншілеріне дейін қалыс қалған жоқ. 

Құрметті Нұрсұлтан Әбішұлы! Сіздің коронавирус жұқтырғаныңызды естігеннен кейін уайымдап отырмыз. Сіз осылай ашық жүргеніңізде "неге ошауланбайды, неге бір топ адаммен отырады?" деп ойлаушы едім. Сізге тілейтінім: осы ауруды жеңіп шығыңыз. Нұреке, тез жазылыңыз. Деніңіз сау, өміріңіз ұзақ болсын! Мұндай ауру ешкімге жақын келмесін!, - деп тілегін білдірді Бибігүл Төлегенова видеожолдауында.