Бейсенбіде елордаға 1,5 мың тонна көмір жеткізілді

Астана, BAQ.KZ. 31 қаңтардағы жағдайға сәйкес елордадағы қатты отынның жалпы қоры 14 031,89 тоннаны құрайды, деп хабарлайды Астана қаласы әкімдігінің ресми сайты.

31 қаңтарда елордаға 1 540 тонна көмір жеткізілді. Оның 1190 тоннасы – «Шұбаркөл», 350 тоннасы – «Майкөбе». Ал көмір бағасы төмендегідей:

«Шұбаркөл» тоннасы – 11300 теңге,

«Қаражыра» тоннасы – 13 200 теңге,

«Майкөбе» тоннасы – 12 000 теңге,

«Богатырь көмірі» тоннасы – 9000 теңге,

«Кузнецкий» тоннасы – 12 250 теңге.

Астана қаласының отын-энергетикалық кешені және коммуналдық шаруашылық басқармасы баға өсімінің алдын алу үшін көмір сатушылармен меморандумдарға қол қойды. 2018 жылдың 1 тамызынан 3 қаңтарға дейін 339,5 мың тонна сатылды.

Бүгінгі күні, көмір нарығында жағдай қалыпты, проблемалық мәселелер жоқ. Астана қаласы әкімдігінің көмір нарығындағы жағдайды күн сайын мониторингтен өткізіп, өз бақылауына алған. «I-Kөмек 109» негізінде тұрғындарға арналған жедел желі құрылды.