Тоқаевтың Омбы қаласына жасаған жұмыс сапарына бейнешолу

Нұр-Сұлтан, BAQ.KZ. Мемлекет басшысы Қазақстан мен Ресей арасындағы XVI өңіраралық ынтымақтастық форумына қатысу үшін Омбыға барған болатын. 

Мемлекеттер басшылары екіжақты қатынастарды дамытудың перспективалары мен өңірлік деңгейдегі ықпалдастықтың өзекті мәселелерін талқылады.

XVI өңіраралық ынтымақтастық форумы аясында Қасым-Жомарт Тоқаев пен Владимир Путин екі елдің шекара маңы аумағының инвестициялық мүмкіндіктерімен танысты. Президенттерге дайын инвестициялық жобалардың пулы ұсынылды.

Мемлекет басшысы Қасым-Жомарт Тоқаевтың "Шекара маңы ынтымақтастығын дамытудың өзекті мәселелері" атты Қазақстан мен Ресей арасындағы XVI өңіраралық ынтымақтастық форумына қатысу үшін Омбы қаласында жасаған жұмыс сапары бойынша бейнешолуды назарларыңызға ұсынамыз, - деп жазды президенттің баспасөз хатшысы Берік Уәли Facebook-тегі парақшасында.