Беті бері қарады – Ватикан Рим Папасының денсаулығы туралы хабарлады

Қазіргі сәтте Рим Папасы Францисктің денсаулығы сәл жақсарды, деп хабарлайды BAQ.KZ.

Deutsche Welle жазғандай, бұл туралы сәрсенбі, 26 ақпан күні кешке Қасиетті Тақтың баспасөз қызметі хабарлады.

Дәрігерлер Папа Римскийде өкпе-бүйрек жеткіліксіздігін анықтаған. Қазір бұл қалыпқа келгенмен, екі жақты пневмония жалғасуда, бірақ кеуде қуысының соңғы КТ-сы қалыпты шыққан.

Соңғы КТ аурудың қалыпты дамуын көрсетеді, - делінген медициналық бюллетеньде.

Оттегі терапиясы кезінде Рим Папасы Франциск түтік арқылы қосымша оттегі алуды жалғастыруда.

Жағдайдың сәл жақсарғанына қарамастан, дәрігерлердің болжамы әлі белгісіз. Алайда бюллетеньде енді «ауыр жағдай» туралы айтылмайды.

Еске салайық, 24 ақпанда Ватикан Рим Папасының ауыр жағдайы туралы хабарлады. Ватиканның баспасөз қызметі оған жеңіл дәрежелі бүйрек жеткіліксіздігі диагнозы қойылғанын түсіндірді.

Дәрігерлер 14 ақпанда Рим Папасы Францискті бронхитті тексеру және одан әрі емдеу үшін Римдегі Гемелли ауруханасына жатқызды. Кейін оған екі жақты пневмония диагнозы қойылғаны белгілі болды.

Жас кезінде өкпесінің бір бөлігін алып тастаған ол соңғы айларда денсаулығына байланысты қиындықтарға, оның ішінде ұзаққа созылған бронхитке шалдыққан.

Қазір 88 жастағы понтифик соңғы екі жылда үшінші рет ауруханаға жатқызылды.