Бес айда темір жол арқылы 102 млн тоннадан аса жүк тасымалданды

2024 жылдың қаңтар-мамыр айларында ҚТЖ желісі бойынша 102,4 млн тонна жүк тасымалданды, деп хабарлайды BAQ.KZ. 

Республика бойынша тиеу өткен жылдың сәйкес кезеңімен салыстырғанда 2,5% өсіп, 68,2 млн тоннаны құрады. Экспортқа темір жол көлігімен 34,2 млн тоннадан астам жүк жөнелтілді. 

Тас көмір тиеу 40,6 млн тоннаны құраса, оның ішінде ел ішінде 30,3 млн тонна қатты отын және де 3,7 млн тоннадан астам астық тасымалданды. 

2024 жылдың бес айының қорытындысы бойынша қара метал тиеу 6,8%, яғни 1,8 млн тоннаға дейін, темір кені мен марганецті тиеу 12,1%, 8,8 млн тоннаға дейін, түсті кен мен күкірт шикізатын тиеу 14%, 10 млн тоннаға дейін ұлғайды. 

Ұнтақ өнімдерінің экспорты 2,3% (1 млн тоннадан астам), мұнай жүктері 9,5% (2,3 млн тонна), қара металдар 5% (1,4 млн тонна), химиялық тыңайтқыштар 12% (550 мың тоннадан астам), темір кені мен марганец 8,4% (4,7 млн тонна) өссе, құрылыс жүктері 9% (142 мың тонна) артты. 

Республика бойынша астықты тиеу 2% (956 мың тонна), қара металл тиеу 12,5% (438 мың тонна), темір кені мен марганец тиеу 16,8% (4 млн тонна), түсті кен мен күкірт шикізатын тиеу 17,4% (8,5 млн тонна) ұлғайды.