Берденов сотқа келмеді

Шымкентте қала әкімінің орынбасары Руслан Берденовке жасалған қастандыққа қатысты қылмыстық іс бойынша негізгі сот отырысы басталды, деп хабарлайды BAQ.KZ тілшісі.

Сот процесі мемлекеттік тілде, ашық форматта өтіп жатыр.

Сот залына екі мемлекеттік айыптаушы, айыпталушының жұбайы, әкім орынбасарының өкілі мен тараптардың қорғаушылары қатысты.

Алайда, міндетті түрде қатысуы тиіс болғанына қарамастан, Руслан Берденов сотқа келмеді. Оның өкілі сот барысында жәбірленушінің қазіргі уақытта ем қабылдап жатқанын айтты.