Белсенді жастар "Жылулық сыйла" акциясын бастады

Қаһарлы қыстың аязында көшеде жұмыс істеп жүрген жандарға ыстық шай таратып, оларға жылулық сыйлау үрдісі соңғы жылдары дәстүрге айналып келеді, деп хабарлайды BAQ.KZ Altaynews.kz-ке сілтеме жасап.

Соның бір дәлелі белсенді жастар "Жылулық сыйла" акциясын биыл да жалғастырды.

Бүгін екінші күн "Жылулық сыйла" акциясы аясында Өскемен қалалық волонтерлар орталығының еріктілері @tazaoskemen коммунальдық қызметкерлеріне ыстық шәй мен тіскебасарлар таратты. Күннің суығына қарамастан қаламыздың тазалығын қамтамасыз ететін @tazaoskemen қызметкерлеріне алғысымызды білдіреміз!, – делінген ақпаратта.