Белгород облысында қазақстандық сарбаздың сүйегі табылды

Нұр-Сұлтан, BAQ.KZ. Араға 80 жыл салып Ұлы Отан соғысынан қайтпаған тағы бір қазақ жауынгерінің сүйегі табылды.  

22 жастағы Серік Смайылов 1942 жылы Сарысу әскери комиссариатымен майданға шақырылған. Көп ұзамай оның туыстары арасындағы байланыс үзілген. Соңғы хат 1943 жылы келген.

Оның жалғыз қызы Амантай Серікова әкесін ешқашан көрмеген. 

Соғыс басталғанда ол бойдақ еді. Ауылдың ақсақалдары бірден оны үйлендіруге шешім қабылдаған. Өйткені, оның майданнан оралатын-оралмайтыны белгісіз еді. Ұрпақ қалдыру керек болды. Ол менің анама үйленген, сол кезде ол небәрі 17 жаста болған. Кейін мен дүниеге келдім. Бірақ менің туғанымды әкем көрген жоқ. Ол туралы ешқандай хабар болған жоқ. Ал мен 4 жасымда анам да кетті. Мен әжемнің тәрбиесінде болдым. Мен әкемді ұзақ жылдар бойы іздедім, – деді ол.

Сарбаздың немересі Мұрат Өтемісов екі жыл бұрын Ресей Қорғаныс министрлігіне ресми сұрау салып, оның атасы Белгород облысы Шебекин ауданы Безлюдовка ауылындағы жаппай қабірге жерленді деп жауап алды.

Мұрағат құжаттарынан Серік Смайыловтың Сталинград түбінде соғысқаны белгілі болды. Содан кейін ол Курск шайқасына қатысып, сол жерде ерлікпен қаза табады. Жауынгер туралы көп деректер сақталмаған.

Жақында Амантай Серікова баласымен, немерелерімен бірге Белгород облысындағы әкесінің қабіріне барып, еске алу шарасын өткізді. Жатқан жеріне отанына бір уыс жер әкелініп, мешіт жанына ескерткіш тақта орнатылды.