Бексұлтан Алпысбаев кикбоксингтен Қазақстан Кубогының чемпионы атанды

2022 жылғы 10-12 қараша аралығында Петропавлда кикбоксингтен Қазақстан Республикасының Кубогы өтті, деп хабарлайды BAQ.KZ.

Ұлттық ұланы Академиясының баспасөз қызметінің мәлімдеуінше, жарысқа барлығы 12 команда қатысты. Солтүстік Қазақстан облысының құрама командасының құрамында Ұлттық ұлан Академиясының курсанттары да өнер көрсетті.

Жарыс адал және табанды күресте өтті, онда курсанттар спорттық шеберліктің жоғары деңгейін, жоғары дене шынықтыру дайындығын және жеңіске деген ерік-жігерін көрсетті.

Жарыс қорытындысы бойынша 91+ кг салмақ дәрежесінде 4 курс курсанты Бексұлтан Алпысбаев құрметті 1 орынға ие болып, кикбоксингтен Қазақстан Кубогының чемпионы атанып, спорт шебері нормативін орындады.

Сондай-ақ, жарыста Академияның келесі курсанттары жүлделі орындарға ие болды: 60 кг салмақ дәрежесінде 3 орынды курсант Аймырза Бақытқалиев иеленді; 63 кг салмақ дәрежесінде 2 орынды курсант Нұрсұлтан Кәрімханов иеленді; 63,5 кг салмақ дәрежесінде 3 орынды курсант Исабек Әбілев иеленді; 71 кг салмақ дәрежесінде 3 орынды курсант Елдос Аманбай иеленді; 71 кг салмақ дәрежесінде 3 орынды курсант Елдос Аманбай иеленді; 91 кг салмақ дәрежесінде 3 орынды курсант Досымжан Әмір иеленді.

Жарыстың жеңімпаздары мен жүлдегерлеріне кубоктар, грамоталар және бағалы сыйлықтар табыс етілді.

Қазақстан Республикасы Ұлттық ұлан Академиясының даңқты спорттық дәстүрлері бар. Көптеген жылдар бойы әскери кадрлар ұстасының курсанттары мен офицерлері Қазақстан Республикасы чемпионаттарында және халықаралық деңгейдегі басқа да жарыстарда көшбасшы болып келеді.