Байжанов әлі түрмеде емес

Әйелін өлтірген экс-министр Қуандық Бишімбаевтың ісін жасырған Бақытжан Байжанов әлі Астана қаласының тергеу изоляторында отыр, деп хабарлайды BAQ.KZ тілшісі.

Сот үкімімен орташа қауіпсіздік мекемесінде жазасын өтеу тағайындалды. Қазіргі таңда ол Астана қаласының тергеу изоляторында. Сонымен қатар, қылмыстық-атқару кодексінің 88-бабына сәйкес сотталғандар тіркеуге сәйкес жазасын өтеу орындарына жіберіледі, - деп хабарлады Қылмыстық атқару жүйесінің баспасөз қызметі.

ҚР ҚИК-нің 93-бабына сәйкес өзге де ақпарат жария етілмейді.

Еске салайық, кеше экс-министр Қуандық Бишімбаевтың қатаң режимдегі мекемеге ауыстырылғаны белгілі болды.