Батыс Қазақстанда ауа райына байланысты жол жабылды

Ауа райының бұзылуына байланысты Батыс Қазақстан облысында бірнеше жол жабылды, деп хабарлайды BAQ.KZ.

Бұл туралы "ҚазАвтоЖол" компаниясы мәлімдеді.

Белгілі болғандай, келесі республикалық автожолдарда жүк және қоғамдық көліктердің қозғалысына шектеу қойылды.

Батыс Қазақстан облысы:

• Ақтөбе-Орал-РФ шекарасы автожолының 273-392 шақырым аралығындағы учаскесі (Барбастау ауылы - Жымпиты ауылы);
• Орал-Тасқала-РФ шекарасы автожолының 4-104 шақырым аралығындағы учаскесі (Орал қаласы - РФ шекарасы);
• Атырау-Орал автожолының 372-492 шақырым аралығындағы учаскесі (Ақжайық ауылы - Орал қаласы).