Батыс Қазақстан облысында көлік қозғалысына уақытша шектеу енгізілді

Батыс Қазақстан облысында көлік қозғалысына уақытша шектеу енгізілді. Бұл туралы «ҚазАвтоЖол» ұлттық компаниясы мәлім етті, деп хабарлайды BAQ.KZ.

2025 жылғы 14 қараша күні сағат 19:30-дан бастап ауа райының нашарлауына байланысты Батыс Қазақстан облысында «Ақтөбе – Орал – РФ шекарасы (Сырым ө/п)» автожолының 195–246 шақырымындағы учаскеде (РФ шекарасы — Сырым өткізу пункті – Орал қаласының МАИ бекеті) қоғамдық және жүк көліктерінің қозғалысына шектеу қойылады, - делінген хабарламада.

Жолды 2025 жылғы 15 қараша сағат 08:00-де ашу жоспарланып отыр.