Нұр-Сұлтан, BAQ.KZ. Әзербайжан астанасы Бакуде өтіп жатқан жас топтары арасындағы әлем чемпионатында қазақстандықтар Роман Барков пен Игорь Грачёв синхронды секіруден алтын медаль жеңіп алды деп хабарлады Olympic.kz.
Спортшылар 17-21 жас аралығындағы топта сынға түскен. Олар қарсыластарына еш мүмкіндік қалдырмай, жеңіске жетті. Қазақстандық дуэт 49,910 ұпай иеленген.
Екінші орынды Франция иеленсе, қола медальді Беларусь өкілдері жеңіп алды.
Грачёв пен Барков - Өскемен қаласының өкілдері, Қазақстан ұлттық құрамасының мүшелері. Федор Булучевский мен Игорь Яковлевтің қоластында жаттығады.
Спортшылар 4 жылдан бері жұптасып синхронды секіруден сынға түсіп келеді. Бұл - олардың әлем чемпионатындағы алғашқы медалі.