Бас мүфти Әулиекөл ауданына барды

Бүгін Қазақстан мұсылмандары діни басқармасының төрағасы Наурызбай қажы Тағанұлы бастаған дін қызметкерлері өрт болған Қостанай облысының Әулиекөл ауданына барды, деп хабарлайды BAQ.KZ.

Бас мүфти Әулиекөл ауылының тұрғындарымен, өңір имамдарымен, мешіт жамағатымен бірге тілсіз жауды ауыздықтауға көмектесті. Өрт сөндірушілермен кездесіп, игі жұмыстарына сәттілік тіледі. 

Сонымен қатар, Бас мүфти және дін қызметкерлері Алладан табиғи апаттың тез тоқтауын тілеп, арнайы дұға жасады.