«Барыс» клубы Канада қақпашысына қомақты келісімшарт ұсынды

Хоккейден «Барыс» клубы 32 жастағы канадалық қақпашы Эдди Паскуалемен 2 жылдық келісімшартқа отырды, деп хабарлайды BAQ.KZ Elorda.info сілтеме жасап.

Келісімшартқа сәйкес, Эдди Паскуале 2 жылда 669 млн теңге (айына шамамен 28 млн теңге) жалақы алады.

Бұл қақпашы бұған дейін де 2019-2020 жылдары «Барыстың» намысын қорғаған еді. Сол сәтте «Барыс» клубы плей-оффта ширек финалға дейін жетіп, коронавирус салдарынан турнир аяқталмай қалған болатын.