Бақшаны күтуге арналған қандай құрылғылар бар?

Нұр-Сұлтан, BAQ.KZ тілшісі. Бүгін «Жас маман» жобасы аясында «Сервис және туризм» колледжінің негізінде техникалық және кәсіптік білімді жаңғырту мақсатында «Landscape Garden» құзыреттілік орталығы ашылды.

«Жас маман» жобасы аясында «Сервис және туризм» колледжі заманауи, инновациялық құралдармен жабдықталған. Дәлірек айтқанда, өндірістік үдеріске барынша жақындатылған «3D», «Жабдықтар», «Флористика», «Ландшафтық дизайн» зертханаларының, «Компьютерлік технологиялар» сыныбы еліміздің әлеуетін арттыратын сапалы кадрлар даярлауға септігін тигізеді.

«Сервис және туризм» колледжінің арнайы пәндер оқытушысы Әділбек Қырықбаев Орман шаруашылығы, бақ саябағы және ландшафтық құрылыс мамандығының студенттері үшін алынған құрал-жабдықтардың ерекшелігін түсіндірді.

Бензинмен жүретін қопсытқыш

Бензинмен жұмыс істейтін қопсытқыш - бұл жерді жыртуға арналған ауыл шаруашылығы машинасы. Ол жұмсақ және қиын топырақтарда жұмыс істейді. Ол көп аумақты аз уақытта жыртуға мүмкіндік беретін қуатты қозғалтқышы бар.

Бензинді қопсытқыш топырақты өңдеуге және эстетикалық көрініс пен бақшаның әдемілігін сақтауға арналған.

Бақша шаңсорғышы

Бақша шаңсорғышы бақшаға да, саябаққа да күтім жасау (қоқыс жинау) үшін қажет. Ол түскен жапырақтарды тазартады. Берік металл корпусы бар бақша шаңсорғышы жолдарды, тротуарларды, бақшаны және саябақтарды тазартуға арналған.

Бақшаны тазалау арнайы контейнерлерде немесе қоқысқа арналған жерлерде жапырақтары мен басқа да қоқыстарды жинауды қамтиды. Бұл жұмысты жеңу үшін сыпырғыштар мен тырнақтар түрінде дәстүрлі тәсілдер болуы мүмкін, бірақ уақытты үнемдеу үшін, заттарды уақыт тәртібіне қою үшін заманауи технологиялық құралдарды айналдыру қажет.

Бензинмен жүретін моторлы шапқыш құрал

Әмбебап, жеңіл және ыңғайлы моторлы шапқыш шағын аумақтардағы тегіс емес жердегі арамшөптер мен шөптесін өсімдіктер көп басып кеткен жерлерде шөптер мен арамшөптерді шабуға арналған.

Аккумуляторлы триммер

Триммер – шағын аймақта бұталардың, ағаштардың, тіректердің, қоршаулардың және басқа да көптеген кедергілердің жанында, беткейлері тегіс емес рельефте жерлерде шөптер мен арамшөптерді шабуға арналған.

Бензинді ара

Бұталар мен жас ағаштарды сапалы және дәл кесуге, қоршаулардың өңдеуге арналған.

Электрлі кескіш

Бұталар мен жас ағаштарды сапалы және дәл кесуге, қоршауларды өңдеуге арналған.

Бензинді мотоблок 

Мотоблок – тыңайған жерлерді өңдеуге, игеруге, т.рлі дақылдарды егуге, гүлзарларды, көгалдар мен төсемдерді күтуге, егін жинауға, топырақты өңдеуге, бау-бақша мен саябақ жолдарын сыпыруға және басқа да жұмыстарға арналған көп функциялы техника.

Электрлі көгал шөп шапқыш

Көгал шөп шапқышы – бұл көгалдарды кесуге арналған моторлы машина, үнемі шабу кезінде қалың шөп жамылғысы пайда болады.

Топырақты тығыздауға арналған вибротрамбовка

Вибротрамбовка – бұл саладағы ең маңызды құралдарының бірі.Жабдықтың негізгі мақсаты – топырақты тығыздау.

Бүгін «Сервис және туризм» колледжінде «Landscape Garden» құзыреттілік орталығы ашылғаны туралы хабарлаған болатынбыз.