Балқаш ЖЭО-да болған апат жойылды

15.06.2023 жылы сағат 16.20-да «Kazakhmys Energy» ЖШС Балқаш ЖЭО-да НТҚ-10,5 кВ II секциясы өшірілген еді, деп хабарлайды BAQ.KZ.

Kazakhmys компаниясы баспасөз қызметінің мәліметінше, станция қызметкерлері жеке және заңды тұлғалардың тұтынушыларын резервтік қуатқа ауыстыру бойынша шаралар қабылдады. Ауыстыру 5 минуттан 10 минутқа дейінгі уақытқа созылды.

Қайта қосылудан кейін станция қызметкерлері Қазақстан Республикасының біртұтас энергетикалық жүйесі бар станцияның жұмысын қалпына келтіру үшін барлық шараларды қабылдады, - деп жазылған мәліметте.

Қазіргі уақытта Балқаш ЖЭО штаттық режимде жұмыс істеп тұр, апат жойылып, жүктеме қалпына келтірілді.