Балаларын өлтірген ақтаулық "Жусан" операциясы арқылы келген бе

Ағымдағы жылы наурызда өз балаларын өлтірген Ақтау тұрғыны қазақстандықтарды Сириядан қайтару жөніндегі "Жусан" операциясының  қатысушысы емес, деп хабарлайды BAQ.KZ.

Бұл туралы Маңғыстау облысы полиция департаменті хабарлайды.

Учаскелік полиция инспекторының ағымдағы жылдың наурыз айында балаларын өлтірген Ақтау тұрғыны қазақстандықтарды Сириядан қайтару жөніндегі "Жусан" операциясының  қатысушысы болғандығы және есепте тұрғандығы туралы түсініктемесі қайтадан тексерілді. Бұл ақпарат шындыққа сәйкес келмейтіндігі анықталды, - делінген ақпаратта.

Осыған байланысты қызметкермен алдағы уақытта мұндай фактілерге жол бермеу бойынша профилактикалық әңгіме жүргізілді.