Балаларға төнген қауіп. Телеграм ботқа 200 хабарлама келіп түсті
Ақмола облысының прокуратурасы балалар қауіпсіздігін қамтамассыз ету аясында "URPAQ" жобасын жүзеге асырып жатыр, деп хабарлайды BAQ.KZ.
Жоба аясында Телеграм мессенджерінде аттас "URPAQ" боты құрылды.
Телеграм-бот-балалардың құқықтарының бұзылуы және оларға жедел ден қою, кәмелетке толмағандар арасындағы құқық бұзушылықтардың алдын алу, оның ішінде балалар жарақаттануының алдын алу, психологиялық және консультациялық көмек көрсету туралы мәліметтер жинауға арналған автоматтандырылған жүйе.
Телеграм-боттың функционалдығы кез келген форматта (фото, аудио, видео,Word) келіп түскен хабарламаларды өңдеуге мүмкіндік береді.
Нәтижесінде жұмыс істеген сәттен бастап а.ж. 15 қаңтардан бастап 200-ден астам хабарлама келіп түсті (буллинг, құқыққа қарсы іс-қимыл, психологиялық көмек, қауіп-қатер және т.б.), олар бойынша бір сотқа дейінгі тергеп-тексеру басталды, 30 адам жауапқа тартылды, мектеп қабырғасында қорқытудың екі фактісі (адамдар есепке қойылды), оқушылар арасындағы жарақат және суицидтік көңіл-күйі алдын алынды, - делінген Ақмола облысының прокуратурасы таратқан мәліметте.
2024 жылғы 25 қаңтарда Көкшетау қаласының қолайсыз отбасыларының бірінде есірткі заттарын жүйелі қолдану туралы хабарлама келіп түсті.
Прокуратура қызметкері шығып, хабарламаны тексергеннен кейін үйдегі балалар ойыншық кесесінен марихуана табылды. ҚК 296-бабының 2-бөлігі бойынша сотқа дейінгі тергеу басталды, - делінген ақпаратта.
Кез келген азамат балалардың қауіпсіздігіне әсер ететін мәліметтерді осы арнаға жолдай алады.
Ботты құрудың мақсаттарының бірі-отбасы институтына баланы тәрбиелеудің қарапайым ережелерін енгізу, отбасымен әрі қарай жұмыс істеу және әл-ауқат паспортын жасау.