Балаларды коронавирусқа қарсы вакцинациялау неліктен маңызды? – педиатр жауап берді

Нұр-Сұлтан, BAQ.KZ тілшісі. Бұл туралы Өңірлік коммуникациялар қызметінің баспасөз мәслихатында Алматы қаласының №15 емханасының дәрігері Мөлдір Әкімжан айтты. 

Сондай-ақ ол биыл балалар мутацияланған «дельта» штамның пайда болуына байланысты коронавируспен жиі ауыра бастағанын атап өтті.

Санитарлық-эпидемиологиялық бақылау департаментінің мәліметінше, өткен жылы Алматыда 281 оқушы жұқтырған, бұл көрсеткіш 15 039-ға жеткен.

Балалар ересектерге, қарттарға вирус жұқтырады. Олар үшін вирус өте қауіпті. Сондай-ақ кез келген инфекция бір жасқа дейінгі сәбилерге қауіп төндіреді. Сондықтан егер отбасында кішкентай бала болса, оны айналасындағылардың бәрі COVID-19-ға қарсы екпе алған жөн. Коронавирус балаларда көп жағдайды ауыр өтетінін түсіну керек. Пандемия басталғаннан бері әлемде 9 мың бала қайтыс болды, - деді дәрігер. 

Педиатр балаларда постковидтік синдром ересектерде сияқты жүреді деп қосты. Ауру кезінде кейбір балаларда көп жүйелі қабыну синдромы, ұзаққа созылған жоғары температура сынды асқынулар болуы мүмкін.

Дәрігер вакциналанған адамдардың саны неғұрлым көп болса, вирустың таралуы мен мутация ықтималдығы аз болатындығына сенімді. «Дельта»-штамды балалар бастапқы «Ухань» вирусына қарағанда жиі жұқтырады.

Бүгінде Қоғамдық денсаулық басқармасының мәліметінше, Алматыда 2 947 жасөспірім вакциналанды.