Бала тәрбиесіндегі әкенің рөлі қандай?
Отбасы және гендерлік саясат саласындағы зерттеулер орталығының сарапшысы Әмина Қуанышбаева отбасындағы әкенің рөлі туралы айтты, деп хабарлайды BAQ.KZ тілшісі.
Саналы ата-ана баланың эмоционалды, интеллектуалды және әлеуметтік дамуына ұзақ мерзімді әсер ете отырып, оның жеке басын қалыптастыруда орталық рөлді атқарады. Баланың үйлесімді дамуы үшін ата-ананың екеуінің де бала тәрбиесі мен өзара әрекеттесу процесіне тең қатысуы маңызды. Әйелдер ер адамдарға қарағанда балалармен көбірек уақыт өткізеді, олардың тәрбиесіне, бос уақытына және күтіміне назар аударады. Бұл ерлердің отбасының материалдық қамтамасыз етумен жиі айналысатындығына және қоғамдағы әлеуметтік көзқарастарға байланысты болуы мүмкін, - дейді сарапшы.
Қуанышбаеваның сөзінше, қазіргі таңда елімізде саналы ата-ана болуға ерекше көңіл бөлінуде.
Мемлекеттік деңгейде бала тәрбиесіне тартылған әке болуды дамыту бойынша бірқатар шара қабылданды. Әкелерді балаларды тәрбиелеу процесіне тартылуын арттыру міндеті Қазақстан Республикасының 2030 жылға дейінгі отбасылық және гендерлік саясат тұжырымдамасында көрсетілген. Тұжырымдамаға сәйкес «қазақстандықтардың ата-ана болуға саналы көзқарасын және бала тәрбиесіне тартылған әке болуды қалыптастыруға бағдарлануы бала мен ата-аналардың эмоционалды байланыстарын нығайтуға және бала тәрбиесіндегі әкенің рөлін күшейтуге, жалғызбасты ата-ана отбасыларының санын азайтуға ықпал ететін болады, - дейді Әмина Бақытжанқызы.
Қазақстанда 2012 жылдан бастап Әкелер Одағы өз қызметін атқарып келеді.
Оның мақсаты - әкелердің аналармен тең дәрежеде бала тәрбиесіне белсенді қатысуы. Әкелер одағының міндеттеріне әкелердің отбасылық өмірге барынша тартылуын дамыту және салауатты, білімді, мәдени және білімді ұрпақты тәрбиелеу жатады. Одақ іс-шараларды, конкурстарды, қайырымдылық акцияларын өткізу және қоғамдық, қалалық және әлеуметтік маңызы бар іс-шараларға қатысу арқылы белсенді қызмет атқарады. Бүгінгі таңда мектептерде Әкелер одағының 200-ден астам филиалы ашылды, - деді Қуанышбаева.
Қазақстандық қоғамдық даму институты 2022 жылғы "Қазақстандық отбасылар" атты ұлттық баяндамасы шеңберінде қазіргі қазақстандық қоғамда әке болу институтын дамыту мәселесін зерделеу мақсатында ересектер арасында сауалнама жүргізді.
Сонымен, респонденттердің 75 пайыз астамы бүгінгі таңда балалар мен әкелер арасындағы қарым-қатынас бұрынғыға қарағанда жақсарып, сенімге ие болғанын айтты. Осылайша, әке болу институтының дамуы өз жемісін беретінін атап өткен жөн.