Балқаштың орталық саябағында "Кеме" балалар ойын кешені пайда болды

Нұр-Сұлтан, BAQ.KZ. Балқаш қаласының Орталық саябағында 7-14 жас аралығындағы балаларға арналған "Кеме" ойын кешені пайда болды. Бұл туралы облыс әкімдігінің ресми сайты хабарлады.

Ойын кешені ресми түрде қыркүйек айында ашылады. Әзірге Алматы қаласынан келген мердігерлер 26 метрлік ойын кемесін орнатуда.

Бірінші әрқайсысы 10 метрден тұратын үш діңгекті орнатты. Ойын кемесінің палубасында үш төбешік, үш лиана және төрт зеңбірек болады. Штурвал нағыз кемедегідей айналады. Штурман бөлмесіндегі шатыр жабық.

Құрастыру процесі көп уақытты қажет етеді. Алайда балалар ойнайтын жер болады. Кеме бояуына ыстықта бу шықпайтын, ылғалға төзімді арнайы бояу қолданылды. Шарықтары ерекше технологиямен дайындалған - қысыммен бірнеше қайың тақтасы желімденген. Металл бөліктері тот баспайды. Ойын кешені құрылысы үшін қолданылған шере Финляндияда жасалған, - дейді "ПСК Гарант" ЖШС мердігер ұйымының өкілі Руслан Касембаев.

Жоба авторының айтуынша, кеме бір тоннаға дейін салмақты көтере алады. Пайдалану мерзімі – кемінде 10 жыл.

Ойын кемесінің айналасына бірнеше күннен кейін газон төселеді. Жарық тартылған, бейнебақылау камералары және сәбилердің ата-аналарына арналған күркелер қосымша орнатылады.

Кеме – жеткілікті үлкен. Оның ұзындығы – 26 метр. Оған бір уақытта 20 бала кіре алады. Біздің саябақтың көрнекті жері болады, - деп Балқаш әкімі Ораз Таурбеков атап өтті.