Бағдат Мусин өз орнында қалды

Мемлекет басшысының Жарлығымен Бағдат Мусин Цифрлық даму, инновациялар және аэроғарыш өнеркәсібі министрі лауазымына қайта тағайындалды, деп хабарлайды BAQ.KZ.

Бұл туралы Ақорданың баспасөз қызметі хабарлады.

Мемлекет басшысының Жарлығымен Бағдат Батырбекұлы Мусин Қазақстан Республикасының Цифрлық даму, инновациялар және аэроғарыш өнеркәсібі министрі лауазымына тағайындалды,- делінген хабарламада.

Мусин Бағдат Батырбекұлы

Қазақстан Республикасының Цифрлық даму, инновациялар және аэроғарыш өнеркәсібі министрінің міндетін атқарушы

Жалпы ақпарат, білімі

Туған күні: 03.03.1983

Туған жері: ҚазКСР Павлодар облысының Екібастұз қаласы

Отбасы жағдайы:

• Үйленген
• Балалары: үш ұл және екі қыз

Тілдерді меңгеруі:

• Қазақ тілі (туған тілі); Орыс тілі (жетік меңгерген); Ағылшын тілі (жетік меңгерген); Түрік тілі (ауызекі)

Білімі, мамандығы:

• Сүлеймен Демирел атындағы университет (2000-2004)

Мамандығы «Компьютердің техникалық және бағдарламалық жасақтамасы»

(Жоғары GPA 4-тен 3,3)

• Қазақ құқықтану және халықаралық қатынастар институты (2004-2006)

Мамандығы «Құқықтану»

Мемлекеттік және халықаралық марапаттар, сыйлықтар, құрметті атақтар:

• Медальдар: «Ерен еңбегі үшін», «Қазақстан Республикасының Тәуелсіздігіне 20 жыл», «ҚР БП ҚСАЕАК органдарына 20 жыл», "Құрмет" ордені.

Мансап

• «NAT» АҚ, «Ізет» ЖШС және басқа да жеке компаниялар қызметкері (2004 жылға дейін)
• «Ұлттық ақпараттық технологиялар» акционерлік қоғамында инженер-бағдарламашы, Куәландыру орталығы бөлімінің басшысы, мемлекеттік органдарда IT бөлімшелер құру департаменті директорының орынбасары (09.2004-11.2007);
• «AMANAT-insurance» БК» акционерлік қоғамында ақпараттық технологиялар жөніндегі кеңесші-консультант (09.2004-11.2007);
• Әділет министрінің ақпараттық технологиялар жөніндегі кеңесшісі және Ақпараттық технологиялар басқармасының басшысы (11.2007-04.2010);
• Байланыс және ақпарат министрлігінде (Көлік және коммуникациялар министрлігі) Ақпараттық технологиялар саласындағы мемлекеттік саясат департаменті директорының орынбасары (04.2010-04.2011);
• Мемлекеттік қызметтерді автоматтандыруды бақылау және Халыққа қызмет көрсету орталықтарының қызметін үйлестіру комитеті төрағасының орынбасары (04.2011-03.2012);
• Мемлекеттік қызметтерді автоматтандыруды бақылау және Халыққа қызмет көрсету орталықтарының қызметін үйлестіру комитетінің төрағасы (03.2012-04.2014);
• «Ұлттық ақпараттық технологиялар» акционерлік қоғамының Басқарма төрағасы (04.2014-08.2014);
• «Қазпошта» акционерлік қоғамының Басқарма төрағасы (08.2014-01.2017);
• Қазақстан Республикасы Бас Прокуратурасы Құқықтық статистика және арнайы есепке алу жөніндегі комитетінің төрағасы (01.2017-05.2018);
• Bi Group құрылыс холдингі Басқарма төрағасының орынбасары және корпоративтік-венчурлік қордың басшысы (05.2018-06.2019);
• IT кәсіпкер, ReKassa, Tastamat және басқа да IT-стартаптардың негізін қалаушы (06.2019-03.2020);
• Мемлекет басшысының Өкімімен Қазақстан Республикасы Президентінің цифрландыру және инновациялық технологиялар жөніндегі кеңесшісі (03.2020-07.2020);
• ҚР Цифрлық даму, инновациялар және аэроғарыш өнеркәсібі министрінің бірінші орынбасары (07.2020-09.2020);
• ҚР Цифрлық даму, инновациялар және аэроғарыш өнеркәсібі министрі (02.09.2020 бастап).