БҚО-да індет жұқтырған 6 адамның бәрі де – медицина қызметкерлері

Нұр-Сұлтан, BAQ.KZ. Батыс Қазақстан облысында тіркелген соңғы алты науқастың бәрі де – медицина қызметкерлері, деп хабарлады ҚазАқпарат.

БҚО әкімдігінен түскен мәлімет бойынша, коронавирус індетті жұқтыру қаупі жоғары медицина қызметкерлерін тексеру кезінде анықталды. Зерттеу қорытындысымен COVID-19 диагнозы нақтыланғаннан кейін барлығы да облыстық жұқпалы аурулар ауруханасына жатқызылды.

Науқастармен қарым-қатынаста болғандар медициналық бақылауға алынды. Ауру ошақтарында дезинфекциялық жұмыстар жүргізілді. Өңірде індетке қарсы шаралар жалғасуда.

Осылайша БҚО-да сырқаттанғандар саны 152-ге жетіп, соның 9-ы жазылып шықты. Ауырғандардың басым көпшілігі - Ресейден келгендер. 28-і - медицина қызметкері.