Азық-түлік бағасын білмеймін – Ұлттық банк өкілі

Ұлттық банк төрағасының орынбасары Берік Шолпанқұловтың брифинг кезінде айтқан пікірі қоғамда қызу талқыға түсті. Ол журналистерге азық-түлік бағасынан хабары жоқ екенін ашық айтты, деп хабарлайды BAQ.KZ тілшісі.

Айта алмаймын. Үйдегі шаруаны әйелім атқарады. Мен дүкенге бармаймын. Азық-түлікті әйелім алып келеді. Менің банк картамның көшірмесі соның қолында. Сол себепті өзі еркін барып, керек-жарақты алады, – деді Шолпанқұлов.

Журналистер ай сайын азық-түлікке қанша қаражат жұмсалатынын нақтылауға тырысқанымен, Шолпанқұлов нақты сома айтпады.

Менің картам оның қолында. Қанша ақша жұмсалатынын қадағаламаймын, – деп жауап берді ол.

Шолпанқұлов өз кезегінде отбасындағы қаржыны басқару мәселесіне қатысты пікірін былай түсіндірді:

Ол оңды-солды ақша шашпайды. Отбасыға қанша қажет болса, сонша жұмсайды. Ол да жерден ажырап қалған жоқ, басыбайлы ақша шашатындай. Бұл тек азық-түлікке емес, балаларға, олардың оқуына, демалысына, болашаққа қор жинауға қатысты. Бұл – жинақтау процесі. Егер өз жарыңа сенбесең, ол қандай отбасы? – деді ол.