Әже немерелеріне алимент төлейтін болды

Нұр-Сұлтан, BAQ.KZ. Түркістан облысының бұрынғы ерлі-зайыптылары бірнеше жылдан кейін осындай ортақ шешімге келді. Қыркүйек айынан бастап әжесі немерелеріне ай сайын 15 мың төлейді.

Бұл туралы республикалық жеке сот орындаушылары палатасының баспасөз қызметі хабарлады.

Борышкер еш жерде жұмыс істемейді. Ажырасқаннан кейін ол кәмелетке толмаған екі баланы асырау үшін ақша төлемеген, 2018 жылдан бері қарызы 2 млн теңгеден асқан.

Шілде айында өндіріп алушы бұрынғы күйеуінен 170 000 теңге алып, қарызды толығымен кешірген. Бұл туралы өкілі қолхатта жазған екен.

Жақында өндіріп алушының өтініші бойынша сот орындаушысы Бауыржан Байдыбеков борышкерден елден шығуға шектеуді алып тастаған.