Әзербайжан Қарабақтағы соғысты қандай жағдайда доғаратынын айтты

Алматы, BAQ.KZ. Армения атысты тоқтатып, Қарабақтан әскерін шығарған жағдайда Баку соғыс әрекеттерін тоқтатуға дайын. Бұл туралы Әзербайжан Президенті Илхам Әлиев мәлімдеді, деп жазды оның баспасөз қызметі.

Әлиевтің айтуынша, Армения БҰҰ-нің Қауіпсіздік кеңесінің резолюциясына сай басып алған барлық территорияны босатуы керек. 

Мен бұған дейін де айтқанмын. Қазір де қайталаймын, Армения Премьер-министрі басқа территорияның барлығын босату жөніндегі міндетті қабылдайтын болса, біз соғысты бүгін-ақ тоқтатамыз. Әзірге ол мұндай міндеттемені алған жоқ, - деді Әзербайжан басшысы.

Әлиев, сондай-ақ, Армения премьері Никол Пашиняннан Агдам, Кельбеджар, Лачин аудандарын босатуды талап етіп отыр. Әлиевтің сөзінше, Армения соғысты доғарғысы келмейтін сияқты.