Азаматтығы жоқ адамдар қылмыс жасауға бейім бе? – Германияда қылмыс саны артты

Германияда 900 мыңнан астам адамның азаматтығы жоқ, ал билік оларды қылмыс жасауға бейім деп айыптады. Полиция мұны мигранттар және балалармен байланыстырады, деп хабарлайды BAQ.KZ.

Бұл туралы Bild басылымы жазды.

2024 жылы елде зорлық-зомбылық сипаттағы қылмыстардың саны 1,5%-ға өсіп, 217 мыңнан астам оқиғаны құрады. Полиция статистикасы бойынша: адам өлтіру, қасақана кісі өлтіру және жәбірленушінің өтініші бойынша кісі өлтіру, зорлау және жыныстық зорлық, денсаулыққа қауіпті және ауыр зиян келтіру жағдайлары көбейген, – деп жазылған мәліметте.

Статистика сонымен қатар 15 мыңнан астам пышақпен шабуылдау оқиғасын тіркейді.

Полиция зорлық-зомбылық қылмысының өсуін Германия азаматтығы жоқ күдіктілер санының өсуімен (85 мыңнан астам адам, бұл санаттағы күдіктілердің өсімі бір жылда 7,5%-ды құрады), сондай-ақ кәмелетке толмағандар (+11,3%) және жасөспірімдер (+3,8%) қылмысының өсуімен байланыстырады, - деп жазады басылым.

2,1 миллион күдіктінің 900 мыңнан астамының Германия азаматтығы жоқ, олардың 383 844-і баспана іздеушілер мен заңсыз мигранттар.