Автобуспен екі көлік соқтығысып, бір жүргізуші қаза болды

Астанада екі жеңіл көлік автобуспен соқтығысты, деп хабарлайды BAQ.KZ.

Оқыс оқиға салдарынан жүргізушілердің бірі тіл тартпай кеткен. 

Жол апаты 20 наурыз сағат 20:30 шамасында Жұмабаев-Қошқарбаев көшелерінің қиылысында болған.

Жол апатына бірден 3 көлік түскен: Toyota, Audi және Iveco автобусы. Салдарынан Toyota маркалы көлік жүргізушісі оқиға орнында қайтыс болды. Аталған дерек бойынша қылмыстық іс қозғалды, - деп мәлімдеді Астана қалалық ПД баспасөз қызметі.